ئەرک و بەرپرسیارێتی:

١- ئامادەکردن و کۆکردنەوەی بیرۆکەی نوێ بۆ ژینگەی خوێندنی ناوەندە فێرکارییەکان کە قوتابی چالاک بکات و خولیای بەشداریکردنی لەلا زیاتر بێت.

٢- دیجیتاڵ پلاتفۆرمێکی پاڵپشتکاری دامەزراوەیی بە ڕاوێژ لەگەڵ خەمخۆرانی پەروەردە و خوێندنی باڵا تێدەکۆشێت تا لێهاتوویی فێری قوتابیانی گشت ناوەندە فێرکارییەکان بکات لە گشت قۆناغەکان بەگوێرەی تایبەتمەندێتییەکانیان. چونکە لەئێستادا بازاڕی کار پێویستی زیاتر بە لێهاتووییەکانە skills نەک تەنها بڕوانامەیەکی سادەی ئەکادیمی Academic degree. پلاتفۆرمی (خوێندن) لەڕێگەی خولەکانی شیاندن و پەرەپێدان، سەرجەم لێهاتووییەکانی پێویست بە بازاڕی کار و بونیاد نانی کەسایەتی کاریگەری بەرهەمدار بۆ قوتابیان دەستەبەردەکات لە سەرجەم قۆناغەکانی پڕۆسەی خوێندن.

٣- ناساندن و درووستکردنی قوتابیانی بەهرەمەند. کە لەڕێگەیانەوە ڕۆڵی ناوەندە فێرکارییەکانی قوتابخانە حکومییەکان و ناحکومییەکان بەرز دەربخرێت کە وەزارەتی پەروەردە و خوێندنی باڵا توانیویانە کۆمەڵێک قوتابی و دەرچووی لەمشێوەیە پێشکەشی کۆمەڵگە بکەن و لە کایەکانی تری ژیان دا بتوانن سەرەڕای خزمەتی مرۆیی، داهێنانی زانستی بئافرێنن.

٤- ڕێبەرێکی باوەڕپێکراو دەبین لە ناساندنی قۆناغە جیاوازەکانی خوێندن بۆ قوتابیان. (بنەڕەتی بۆ ئامادەیی و دەستنیشان کردنی بەشەکانیان بەگوێرەی توانا شاراوەکانیان و دواتر لە قۆناغی ئامادەیی بۆ زانکۆ بەپێی پسپۆڕی نەک تەنها نمرە ببێتە پێوەر، لە زانکۆکانیش ڕێبەریان دەبین تا کاری شایستە بەخۆیان دابمەزرێنن یاخود ببنە بەشێکی کارا لە کۆمپانیا و دامەزراوەکان.)

٥- کردنەوەی خول و وۆرکشۆپ بۆ مامۆستایانی قوتابخانە حکومی و ناحکومیەکان بەمەبەستی بەرزکردنەوەی لێهاتوویەکانیان لە وانەوتنەوە و کۆنتڕۆڵکردنی پۆلدا.